بلوچستان لبریشن فرنٹ نا ترجمان میجیر گہرام بلوچ میڈیا غا شنگ کروک تینا بیان ئٹ پارینے کہ سرمچارک زامران و نوشکی ٹی کوزہ گیر پاکستانی لشکر و پولیس ئے ارا جتا جلہو تیٹ ٹک کریر۔
او پارے کہ بی ایل ایف نا اسناپئر ٹیکٹکل ٹیم 18 فروری آ, نن ئنا چھار بجہ غا کیچ ئنا علاقہ زامران جونکی تنک ئٹی ساڑی کوزہ گیر پاکستانی لشکر نا چوکی نا پیشن سلوک کارندہ غا تہ ٹک کریر ہرا نا سوب آن او ہمو جہہ آ مرگ ئنا گواچی مسر۔
ترجمان پارے کہ جلہو آن گڈ کوزہ گیر لشکر تینا مون سمکاری کرے ولے سرمچارک رکھوک تینا جاگہ غا تیا سر مسر۔
او پارے کہ ایلو کاروائی ئٹ 16 فروری آ نن ئنا ہفت بجہ غا ننا سرمچارک نوشکی پولیس تھانه ئے چغلی بمب جلہو ئٹ ٹک کریر۔ دا جلہو پولیس تھانہ نا بنجائی درغ آ اوفتہ خبڑدار کننگ کن کننگا و رضا ئٹ سرمچارک اوفتہ جانی نسخان تتور۔
میجر گہرام پارے کہ دا جلہو نا ذریعت ئٹ نن نوشکی پولیس ئے خبڑدار کینہ کہ او کوزہ گیر لشکر نا دفاع آن دو کشیر۔
ترجمان پارے کہ بی ایل ایف دا ہڑتما جلہو تا زمہ واری ئے ہرفک و کوزہ گیر لشکر نا ننا ڈیہہ آن تیبہ پیشتمنگ اسکان نن تینا جلہو تہ برجاء تخون۔
