بی ایل ایف نا ترجمان میجر گہرام بلوچ میڈیا ٹی شنگ کروک تینا بیان ئسیٹی پارے کہ سرمچارک پسنی ٹی کوزہ گیر پاکستانی لشکر نا کاروان و کسر جوڑ کروک کمپنی نا الاخ ئے اِرا جتاو جلہو تیٹی ٹک کریر، ہرانا سوب آن دشمن نا شش کارندہ مرگ ئنا گواچی و اِرا گاڑی بھس مسُر۔
او پارے کہ سرمچارک اینو سہب ئنا دہ بجہ غا جوھی کلانچ نا جہہ آ کوزہ گیر پاکستانی لشکر نا کاروان ئٹی اوار گاڑی ئسے ہموتم آئی ای ڈی بمب جلہو ئٹی ٹک کریر ہراتم او کاروان نا دروشم ئٹ ہننگ اسُر۔ جلہو نا پلویڑ ئٹ برسا لشکر نا گاڑی تیبہ بھُس مس ہراٹی سوار شش کارندہ ہمو جہہ آ کھسکر۔
اونا پاننگ اس کہ اسہ پین جلہو ئسیٹی سرمچارک استو نن ئنا 8 بجہ غا پسنی نا ہند دُراوال ئٹی کلانچ نا جہہ کسر جوڑ کننگ ئٹ اختہ اسہ ٹرک ئسے ہشسہ بھس کریر۔
ترجمان ودیک پارے کہ ننا جلہوک بلوچستان نا جہد آجوئی نا بشخ ءُ و کوزہ گیر پاکستانی لشکر نا برخلاف مزاحمت برجاء مرو۔ نن بلوچ اُلس آن خواست کینہ کہ دشمن تاغت و اوفتا دوزواہ تیان مُر مریر تاکہ ہر وڑ ئنا جانی نسخان آن رکھوک مریر۔
میجر گہرام ایسر ئٹ پارے کہ بلوچستان لبریشن فرنٹ دا ہڑتما جلہو تا زمہ واری ئے ہرفک و بلوچستان نا آجوئی اسکان کوزہ گیر لشکر و فوجی ماڑی تیا ننا جلہوک برجاء مرور۔
