تربت یونیورسٹی نا خوانندہ آتا پارہ غان سنگت خوانندہ غا تا زوراکی ئٹ بیگواہی نا برخلاف برانز

تربت یونیورسٹی نا خوانندہ احسان سرور و کامل شریف نا سرسلامت آجوئی کن یونیورسٹی نا خوانندہ غاک برانزی ریلی ئس کشار۔

دا ریلی کیمسٹری شعبہ، انگلش شعبہ و ایڈمن نا دفتر آن گدرینگسہ ایجوکیشن ڈیپارٹمنٹ نا مونا ایسر مس، ہراڑے خوانندہ غاک تینا خواست آتیکن برانز کریر۔

اوفک ہڑتما خوانندہ غا تتون اوار ایلو زوراکی ئٹ بیگواہ کننگوک بندغ آتا زوت آجوئی نا خواست کریر۔

برانز ئٹی بشخ ہلوک خوانندہ غاتا پاننگ اس کہ اوفتا مسخت بیرہ تینا سنگت آتا آجوئی اف بلکہ دا برانز نا وسپہ ئٹ دا کُلہو ہم تروئی اس کہ ریاست و ادارہ غاک زوراکی نا بیگواہی تا زیہا سوبری ئٹ گھام ہفّر۔ دا معاملہ بیرہ دا یونیورسٹی اسکان اف بلکہ مچّا بلوچستان نا ہر خوانندہ کن اسہ بھلو ویل ئس ءِ۔

او ریاست آن خواست کریر کہ احسان سرور، کامل شریف و ایلو زوراکی ئٹ بیگواہ کننگوک بندغ آتا آجوئی کن زو ئس گچین وڑ ئٹ گھام ہفّنگہ تاکہ اوفتا خاہوت آتہ تسلی مرے۔

خوانندہ آتا پاننگ اس کہ دا وڑ ئنا تدینی تا زوت و جْوان وڑ ئٹ ایسری نہ بیرہ زیمی خاہوت آتیکن المی ءِ بلکہ غُٹ چاگڑد نا سواد (فائدہ) کن ہم المی ءِ۔

شونکار

شونکار|زْرمبش براہوئی

شونکار

شونکار|زْرمبش براہوئی

Next Post

بولان، خاران، کوئٹہ، آواران و پروم ئٹی پاکستانی لشکر آ جلہو، سلاہ تہ پھلنگ و کسر تہ تفنگ نا زمہ واری ئے بی ایل ایف ہرفے

منگل فروری 11 , 2025
بلوچستان لبریشن فرنٹ نا ترجمان میجر گہرام بلوچ میڈیا غا شنگ کروک تینا بیان ئٹی پارینے کہ سرمچارک بولان، خاران، کوئٹہ، آواران و پروم ئٹی نہہ جتا سرسوب کاروائی کریر، ہرافتیٹ دشمن لشکر آ جلہو، لیویز نا سلاہ تہ پھلنگ و کسر تہ تفنگ اوار ءُ، کسر تہ تفنگ نا […]

دلگوش کرز

زرمبش براہوئی

زْرمبش راھے پہ آجوئی

زْرمبش بلوچی ، چہ زْرمبش شکسار ءِ نیمگ ءَ بلوچی زبان ءَ گزارش ءُ ھال شنگ کنت۔ اے ھال ، نبشتانک توار بند ءُ تامرانی دْروشم ءَ شنگ کنگ بہ اَنت۔

آسان دزرس