بلوچستان نا ضلع پنجگور و آواران ئٹ استو شام ئنا نادُرست آ بندغ آک لیویز چوکی تیا جلہو کرسا اوڑے ساڑی لیویز کارندہ غاتا سلاہ و ایلو مڈی تہ ہرفیر و لشکر کن مڈی دروکا لاری تیا جلہو کریر۔
شابیتی حوال تا رد ئٹ استو آواران نا ہند بزداد و پنجگو نا ہند پروم ئٹی شام ئنا نادرست آ بندغ آک لیوز فورس نا چوکہ تیا جلہو کریر۔
حوال تروک آتا رد ئٹ جلہوکارک ہندا وخت لیویز فورس نا سلاہ و ایلو مڈی تہ ہرفسا تینتون دریر۔
واہم ارٹنگا تدینی تا بابت ئٹ دائسکان پین جانی نسخان نا حوال اف و کالخواہ تا ہم ہچو درشان ئس مونا بتنے۔
درو پنجگور نا ہند پروم ئٹی سلاہ بند بندغ آک اِرا لاری آ سُمکاری کرسا مزدا ٹرک آتہ نسخان تسُر۔
حوال تروک آتا رد ئٹ ہندا لاریک لشکر نا پوسٹ آتا سامان دننگ آن پد واپس بننگ اسُر کہ اوفتہ ٹک کننگا۔
