بی ایل ایف نا نیمغان شنگ مروکو درشان ئسیٹی پاننگانے کہ 8 و 9فروری آ سرمچارک بلوچستان نا ہند بارکھان ئٹی جتا جاگہ تیا اُلس ئنا مُچی اڈ تسُر، ہرافتیٹ راجی آجوئی و اُلس ئنا اواری نا موضوع تیا ہیت مس۔ اوفک بغاو، دامان، بستی وڈیرہ محمد حسین، رحیمانی، ٹوٹیانی تون اوار جتا جہہ تیا ہِنار و جتا بشخ آتیان سیالی تخوکا بندغ آتون مِلار و اوفتے آجوئی نا کلہو ئے تسُر۔
اُلس اتون ملنگ نا بنیاتی مسخت بلوچ اُلس ئٹی شعور بیدار کننگ و اوفتے آجوئی نا تحریک ئٹی اوار مننگ نا پاننگ اسک تاکہ او تینا پجار، حق و آجوئی کن اوار مریسہ جہد کیر۔
سرمچار آتا بخیر دا ہیت ئے ثابت کرینے کہ بلوچ عوام اوفتون کُڈومب ءُ مابت و عقیدت تخک۔ اوفتا مضبوط انگا اواری، بے کچ قربانی و راجی آجوئی کن جدوجہد اوفتے اُلس ئنا گواچن آ رہشون جوڑ کرینے۔
اینو بلوچ سرمچارک نہ تنیا مزاحمت نا چیدہءُ بلکہ او امیت و طاقت نا استعمار ئس مسونو۔
جارکش پارے کہ ہمو وختا سرمچارک ہندا ہیت ئے پاریر کہ راجی آجوئی کن اُلس ئنا اوار مننگ المیءِ۔ اوفک ظلم و جبر ئنا برخلاف اوار مننگ،استعماری قوّت نا برخلاف صف بندی کننگ و ہر وڑ ئٹ قومی بیداری ئے مونا دننگ ئے ترجیع ہیتر۔
دا مّچی و آگاہی نا مہم ئنا گامگیج دا ہیت ئنا صاف انگا اشارہءِ کہ بلوچ اُلس ئٹی زانت ئنا اسہ پوسکنو لڑ ئس جوڑ مننگ ءِ۔ او ارافتے اسہ روشن و آزاد ءُ مستقبل ئسے آ درو۔
بلوچ سرمچارک دا عزم ئنا درشان ئے کیک کہ ارا تینا راجی آجوئی نا ہلنگ اسکان تینا جہد ئے برجاء کیک او ہر وڑ ئنا قربانی تننگ کہ تیار مریک ۔ بارکھان ئٹی مروک دا سرگرمیک دا ہیت ئنا ثبوت ءُ کہ بلوچ راجی تحریک مونا ہننگ ءِ و اُلس ئنا اوار مننگ داٹی دے پہ دے مہکم مننگءِ۔
