بلوچستان لبریشن فرنٹ نا ترجمان میجر گہرام بلوچ میڈیا ٹی شنگ کروک تینا بیان ئسیٹی پارینے کہ سرمچارک کیچ و خاران ئٹی عسکری تعمیراتی کمپنی (ایف ڈبلیو او) آ ارا جتاء جاگہ غاتیا جلہو کرسہ جانی و مالی نسخان تسنو۔
او پارے کہ 3 فروری نا دے یک بجہ غا سرمچارک ہوشاپ پرکوٹگ ئٹی سی پیک لنک کسر آ کاریم کروکا عسکری تعمیراتی کمپنی (ایف ڈبلیو او) نا چھار کارندہ ئے جلہو ئٹی ٹک کریر، ہراڑان اسہ کارندہ ئس مرگ ئنا گواچی و مسٹ ٹپی مسر۔
او ودیک پارے کہ اسہ پین جلہو ئسیٹی سرمچارک 3 فروری دوشمبے نا شام ہفت بجہ غا خاران نا جہہ سرگردان نا خڑک آ سی پیک لنک کسر نا تعمیراتی کمپنی نا سائٹ آ جلہو ئس کرسہ کل مشین تہ ہشسہ بھس کریر۔
میجر گہرام ایسر ئٹ پارے کہ بلوچستان لبریشن فرنٹ دا تومکا جلہو تا زمہ واری ئے ہرفک و سرزمین نا آجوئی اسکان کوزہ گیر دژمن و کل سامراجی ڈٹ بندی تہ ٹک کرسہ کرو۔
