بی ایل ایف نا ترجمان میجر گہرام بلوچ میڈیا غا شنگ کروک تینا بیان ئسیٹی پارینے کہ سرمچارک آواران نا علاقہ کولواہ ٹی پاکستانی لشکر نا کاروان آ جلہو کرسا جانی و مالی نُسخان تِسُر۔
او پارے کہ 27 جنوری آ سُہب ئنا 11:30 آ سرمچارک آواران نا علاقہ کولواہ رودکان نا ہند آ کوزہ گیر پاکستانی لشکر نا شش گاڑی تا کاروان ئے بھلا و چُنکا سلاہ تیٹ ٹک کریر، جلہو ئٹی دشمن لشکر نے مالی و جانی نُسخان مس۔
ترجمان نا پاننگ اس کہ کوزہ گیر لشکر نا دا کاروان لشکر کشی کن بِننگ اس کہ سرمچارک مہالو آن سنگر ہلکسُر و جلہو کریر، لشکر نا گاڑی تہ نُسخان مس۔
بی ایل ایف دا جلہو نا زمہ واری ئے ارفک، بلوچستان نا آجوئی ئسکان کوزہ گیر لشکر آ ننا جلہوک برجاء مرور۔
