حوال تہ رد ئٹ بولان نا ہند آب گم ئٹی کوئٹہ سبی کسر آ برجاء انگا چوکی ئے سلاہ بند بندغ آک استو بھلا سلاہ تیٹ نشانہ کریر۔
ہندن حوالءِ کہ جلہو نیم گھنٹہ اسکان برجاء مسونے ہندن گمانءِ کہ جلہو ئٹی لشکرئے جانی و مالی نسخان ہرفوئی تمانے۔
ایلو نیمغان حوالءِ کہ خضدار ئٹی راولپنڈی آ ہنوکا بس آ تراک ئس مس۔
حوال تہ رد ئٹ ایم 8 سندھ بلوچستان ہائی وے آ خضدار آن راولپنڈی آ ہنوکا بس آ تراک ئٹی نسخان نا حوالءِ۔
دائسکان تراک ئٹی نسخان تہ بابت ئٹ پک مروکو حوال مونی بتنے۔
دا رد ئٹ ننا پٹ و پول برجاءءِ۔
