بلوچستان نا ہند تربت ئٹی پاکستانی لشکر دروغ ئنا بمب تراک ئٹی مُست آن بیگواہ کننگوک بندغ ئسے کھسفے۔
حوال تا رد ئٹ درو ننکان تربت نا ہند جوسک نا جہہ آ پولیس اتفاق ولد منظور پنیئو بندغ ئسے نا بمب ئس کھڈ کننگ نا وختا تراک ئٹ کہنگ نا دعوی کرینے۔
خاہوت پولیس نا پارہ غان خلوکا دوبہ تِہ رد کرسا پارے کہ اتفاق منظورئے 10 دسمبر 2024 آ پاکستانی لشکر دزگیر کرسا بیگواہ کریسس اوکان پد او پاکستانی لشکر نا قیذ ئٹی مسُنے و لشکر اودے بمب تراک ئٹ خلکنے۔
یات مرے کہ اونا خاہوت خدو اسہ پریس کانفرنس ئسیٹی اتفاق منظور و اونا ارا ایلم نا لشکری کارندہ غاتا دو آن زوراکی ئٹ بیگواہی نا بابت ئٹ میڈیا ٹی ہیت کریسس واہم اتفاق منظور نا ارٹنگا ایلم تہ پدا یلہ کننگاسس ولے اودے درو شام ئنا اسہ تراک ئسیٹی کھسفنگانے۔
