بی ایل ایف نا جارکش میجر گہرام بلوچ میڈیا ٹی شنگ مروکو درشان ئسیٹی پارے کہ یازدہ دسمبر سہُب ئنا 10:00 بجہ غا کیچ ئنا ہند ہوت آباد ئٹی سرمچاراک معدنیات دروک اِرا ٹرالر تہ جلہو کرسا اوفتے نسخان تِسُر و لشکر کن دیر دروک ٹینکی سے ہُشار۔
ہندا دے آ سرمچاراک اسہ پین کاروائی سیٹی میرآباد آ معدنیات دروک ٹرالر تا سُمکاری کرسا اوفتا ٹائر تہِ نسخان
تِسُر۔
او پارے کہ 12 دسمبر 11:00 بجہ غا کیچ ئنا ہند ہوت آباد نا ہند آ پنجاب آ ہنوک اسہ ٹرالر و دشمن نا منصوبہ تہ کاریم کروک کنسٹرکشن کمپنی نا اِرا ڈمپر تے ہُشار۔
15 دسمبر نا شام آ اسہ پین کاروائی سیٹی سرمچارک تنظیمی انٹیلیجنس نا معلومات نا بنیات آ پروم ئٹی دشمن لشکر کن سامان دروک آ اسہ ٹرک ئسے سلیفیر و سامان تون اوار لاری ئے ہُشار، ڈرائیورئے سرپد کننگ آن پد یلہ تِسُر ۔
کوزہ گیر پاکستان کوزہ کروک بلوچستان ئٹی تینا جوڑ کروک کسر تہ معدنیات آن ہلیس ہر گِڑاتے تینا لشکری و اقتصادی مفادات کن کارمرز کننگءِ ۔ فورٹ منرو، ڈی جی خان آن ہلیس بلوچ ساحل اسکان بلوچستان نا معدنیات،کوئلہ، ماربل، خیسُن،چاندی، تانبا و پین بلوچ نا مڈی تے بے دڑدی ئٹ درسِا پنجاب ئے آباد کننگ ءِ ۔
ننا مڈی تیان کوزہ گیر پاکستانی لشکر تینے جوڑ کریسہ ننا بندغ آتا ظلم،ورناتے زوراکی ئٹ بیگواہ کننگ بے دڑدی ئٹ ننا نسل کُشی ئے کننگءِ ۔ بدقسمتی ئٹ ننا منہ ٹھیکیدار،ٹرانسپورٹر، بااثر انگا بندغاک معمولی مفاد کن دا بلوچ دشمن نا کاریم تا سہولت کاری ئے کننگ ءُ ہرا ہچ وڑ ئٹ قبول افس۔ پین معدنیات نا وڑ آ بارڈر آ کاریم کروک آئل ٹینکر و زمباد لاری تہ مالک تہِ ٹوکن سسٹم نا ئٹ و پین کیہی چم تیٹ بلوچ تحریک نا برخلاف آ کارمرز کننگءُ۔ کوزہ گیر پاکستانی لشکر اوفتان ٹیکس ہلنگ آن پد بلوچ تحریک آزادی نا برخلاف کاریم ہلنگءِ۔
نن ٹرانسپورٹر تون اوار ایلو بندغ آتے کیہی وار پارین اُن کہ اوفک تینے دشمن نا سہولت کار جوڑ مننگ آن تینے رکھیفیر ولے لالچ و مراعات اوفتے قومی جزبہ و فکر آن زبہر کننگ ءِ۔ اسہ نیمہ غان بلوچ سرمچاراک بلوچ وطن نا آزادی و تینا بروک آ نسل آتا خوشحالی کن تینا جان تہِ ندر کیرہ و ایلو نیمہ غا کیہی کاروباری بندغ آک چاننگ یا تپننگ ئٹ دا تحریک نا برخلاف کارمرز مننگ ءُ۔
نن اسہ وار ئس پدا تینا عوام آن خواست کینہ کہ اوفک دشمن نا دا حربہ ئے پوہ مریر و مُستی دشمن نا دا استحصالی پروگرام تا بشخ مفس اگہ نا اوفتا ایسر جوان مفرو۔
بی ایل ایف دا چار جلہو تہ زمہ واری تے ہرفک و آزاد بلوچستان اسکان کوزہ گیر پاکستانی لشکر و اوفتون اوار ڈوہدار ہرا سہولت کاری نا کاریم کیرہ اوفتے ٹِک کننگ نا قول کیک۔
