بلوچستان نا ضلع قلات ئٹ زوراکی ئٹ بیگواہی تا برخلاف خاہوت آک ریلی کشار، برانز ئٹ کراچی کوئٹہ بنجائی کسر ئے بند کریر۔
شابیتی حوال تا رد ئٹ قلات نا جہہ منگچر نا ہند آ بیگواہ کننگوک محمود بلوچ نا زوراکی ئٹ بیگواہی نا برخلاف خاہوت ریلی کشا، ہموتم زالبول و چناک بھلو کچ ئسیٹ اوار اسر۔ او زوراکی ئٹ بیگواہی تا برخلاف نعرہ خلکر۔
ریلی آن پد زالبولک برانز کرسا کراچی کوئٹہ کسر ئے بند کریر۔
خاہوت نا رد ئٹ محمود ئے 18 جون 2024 آ پاکستانی لشکر دزگیر کرسا بیگواہ کرینے۔ ہراکان پد او بیگواہ ءِ۔
خاہوت پارے کہ محمود ئے ایسکان کہ آجو کننگتنے برانز برجاء مرو۔
