بلوچستان نا ضلع نوشکی ٹی نادُرست سلاہ بند بندغ آک پاکستانی لشکر نا پوسٹ ئے جلہو ئٹی نشانہ کریر۔
شابیتی حوال تا رد ئٹ استو نوشکی نا ہند گلنگور نا ٹک آ پاکستانی لشکر نا پوسٹ ئے نادُرست سلاہ بند بندغ آک جلہو ئٹی نشانہ کریر۔
حوال تروک آتا رد ئٹ دا جلہو ئٹی لشکرئے نسخان ہرفوئی تمانے و جلہو آن پد نوشکی ٹی پاکستانی لشکر نا ہیڈکوارٹر آ اسہ ہیلی کاپٹر ئس ہم سر مسونے۔
نسخان تا رد ئٹ دائسکان کالخواہ تا ہچو درشان ئس مونی بتنے۔
جلہو نا زمہ واری ئے دائسکان ہچ تنظیم ئس ہرفتنے۔
