حوال تروک آتا رد ئٹ قلعہ عبداللہ ٹی نادرا آفس نا مونا لیویز فورس نا پٹ و پولی افسر نا لاری ئے بمب تراک ئٹی نشانہ کننگا۔
پٹ و پولی افسرئے ہمو وخت نشانہ کننگا وختس او دفتر آن پیش تمیسہ اُراغہ ہننگ اسک۔ پٹ و پولی افسر تون اِرا لیویز کارندہ لاری ٹی اسُر۔
ایلو نیمغا ہرنائی نا جتا جتا ہند گھڑیجی،پیر سینٹ،سپین تنگی،کوریاک،ڈل پشت و ایب کھیب نا ہند آتیٹ لشکر کشی برجاءءِ۔
لشکر کشی ٹی پاکستانی لشکر نا زمینی و فضائی فورس آک بشخ ہلنگءُ۔
ہندی حوال تا رد ئٹ ہیلی کاپٹر آتیٹ لشکری کارندہ تے سر کننگ و شیلنگ برجاءءِ۔
ہنوکا توو آن بلوچستان نا جتا جتا ہند قلات، نوشکی، کیچ لشکر کشی نا زد ئٹیءُ ہندا وخت اُراتے ہُشنگ تون ہندی بندغ آتے لشکری کارندہ آک دزگیر کرسا بیگواہ کرینو۔
