حکومت بلوچستان امن و ایمنی نا حالیت ئے نظر ئٹ تخِسہ تیبہ بلوچستان ئٹی دفعہ 144 خلکنے۔
محکمہ داخلہ بلوچستان نا کنڈ آن شنگ مروک نوٹی فکیشن نا رد ئٹ پیشن سلاہ دننگ و 5 آن زیات بندغ آتا مچی آ تیبہ رکھ خلنگانے۔
نوٹی فکیشن ئٹی پاننگانے کہ دفعہ 144 خلنگ نا وختا ہر وڑ ئنا بے قانودی مچی و سلاہ کاریم ئٹ ہتنگ آ سختی ئٹ کاروائی کننگو۔
خیال ئٹ مرے کہ آواران ئٹی زوراکی ئٹ بیگواہ کننگوک دلجان بلوچ نا وے آجو مننگ نا برخلاف تولوک برانز برجاء ءِ و کوئٹہ ٹی سرینہ چوک آ بیگواہ کننگوک خوانندہ محمد مصور نا آجوئی کن تولوک برانز تدوکا نُہہ دے آن برجاء ءِ۔
داکان بیدس 25 نومبر آ آل پارٹیز نا کنڈ آن تیبہ بلوچستان ئٹی پہیہ جام ہڑتال نا پڑو ہم مسنے۔
