بلوچ نا ضلع پنجگور و مچھ ئٹی پاکستانی لشکر کشی ئٹ آختہ ءِ۔ مواصلاتی نظام بند کننگانے۔
ضلع پنجگور نا تحصیل پروم ئنا مَشی سلسلہ ئٹ لشکری آپریشن برجاء ءِ ۔
ہندی حوالکار تا رد ئٹ پاکستانی لشکر پنجگور نا تحصیل پروم نا مَش تیٹ پیہانے۔
خنوکا تا پاننگ ءِ کہ اینو سُہب آن پاکستانی لشکر بلیدہ نا ہند باکاڈ ڈن و پروم مرو و ایلو ہندآ تیان پروم نا مَشی سلسلہ تیٹ پیہانے۔
بولان نا ہند مچھ ئٹ ہم لشکری آپریشن برجاء ءِ۔
ہندی حوالکار آک پارینو کہ مچھ ئنا ہند پیر غیب و ایب کھیب ئٹ بھلو کچ ئسیٹ لشکری آپریشن برجاء ءِ ، ہند ئٹ مواصلاتی نظام بند کننگانے۔
آپریشن تا حوال آن کالخواک دائسکان ہچ پاتنو۔
