حوال تا رد ئٹ اینو دے ئنا دوانزدہ و نیم آ بھلو کچ ئسیٹی مُست آن سنگر ہلِسہ سلاہ بند بندغ آک کیچ ئنا ہند کولواہ ٹی پاکستانی لشکر نا 20 آن زیات گاڑی تا کاروان ئے مراستان نا ٹک آ ہموتم سخت جلہو ئٹی ٹک کریر ہراتم لشکری کارندہ غاک علاقہ ٹی لشکر کشی کرسا واپس ہننگ اسُر۔
جلہو نا وخت آ لشکر نا بکتر بند گاڑی ئس سلاہ بند بندغ آتا رند ئٹ بننگ نا کوشست کرے واہم سلاہ بند بندغ آک بکتر بند لاری ئے ہم ٹک کریر۔
ہندن حوال ءِ کہ جلہو ہُرے اسکان برجاء اسک ہراٹی لشکری کارندہ غا تا بھلو کچ ئسیٹی کھئینگ نا حوال ءِ۔
ایلو نیمہ غان پنجگور آن حوال ءِ کہ پاکستانی لشکر نا درو آن لشکر کشی برجاء ءِ و علاقہ ٹی بھلو کچ ئسیٹی لشکری کارندہ غا تا ہِن ئہ بر برجاء ءِ۔
خنوکا بندغ آتا رد ئٹ پاکستانی لشکر درو مشی آ علاقہ ئٹ پیہانے، گڈیکو حوال اسکان ہموڑے ساڑی مسنو۔
