بلوچستان نا ضلع نوشکی ٹی پاکستانی لشکر آ جلہو ئس مس، ہڑتُما کنڈ آن جانی نسخان تا حوال ارے۔
شابیتی حوال تا رد ئٹ نوشکی نا علاقہ قادر آباد نا ہند آ نادرست آ سلاہ بند بندغ آک پاکستانی لشکر نا کاروان ئٹ اوار اُلاخ آ تِہ ٹک کریر۔
حوال تا رد ئٹ پاکستانی لشکر نا مُسہ گاڑی جلہو نا دک ئٹ بسر ہرافتیٹی اسہ گاڑی ئس بھس مس۔
پولیس نا رد ئٹ ہڑتُما کنڈ آن سم کاری ٹی اسہ جلہو کار ئس خلنگانے و ایلو کنڈ آن پاکستانی لشکر نا کیہی کارندہ مرگ ئنا گواچی و ٹپی مسنو۔
واہم کوالخواہ تا کنڈ آن پاکستانی لشکر نا کارندہ غا تا کھئینگ نا بارث ئٹ ہچو ہیت متنے۔
جہی حوال تروکا تا پاننگ ءِ کہ سم کاری اسہ ساعت ئسے آن ہم زیات وخت برجاء سلیس و جلہو آن گڈ تدینی نا جہہ آ ایمبولینس آک ہِننگ آ خننگ مسر۔
