تِدوکا نن آئی جے پی میٹرو اسٹیشن روالپنڈی نا خُڑک آ پاکستانی لشکر فلیٹ ئسے آ چھاپہ خلسہ، فلیٹ ئٹ رہینگوک مُچ ورنا تِہ زوراکی ئٹ بیگواہ کرے۔
بیگواہ کننگوک خوانندہ غاک عارف علی نا مار سلیم عارف تربت نا ہندی بی بی اے نا ششمی سمسٹر نا خوانندہ ئس ءِ، فدا احمد نا مار بالاچ ہرا تربت نا ہندی ئس ءِ او بی بی اے ہشتمی سمسٹر نا خوانند ئس ءِ، عبدالقادر نا مار خداداد تربت دشت نا ہندی ئس ءِ و آئی آر نا ہشتمی سمسٹر نا خوانندہ ئس ءِ، سومار نا مار احمد آواران تیرتیج نا ہندی ئس ءِ او آئی آر نا ہفتممی سمسٹر نا خوانندہ ئس ءِ، اقبال نا مار خلیل احمد تربت ڈندر نا ہندی ئس ءِ، او آئی آر نا ہشتمی سمسٹر نا خوانندہ ئس ءِ، سعید محمد نا مار حمل حسنی آواران نا ہندی ئس ءِ، او آئی آر نا ہفتمی سمسٹر نا خوانندہ ئسءِ، عطا نا مار بابر عطا پنجگور نا ہندی ئس ءِ، و آئی آر نا ہفتمی سمسٹر نا خوانندہ، مہیم نا مار نور مہیم پنجگور نا ہندی ئس ءِ، و آئی آر نا پنچمی سمسٹر نا خوانندہ، محمد اعظم نا افتخار اعظم آواران نا ہندی ئس ءِ، او ایجوکیشن نا ہفتمی سمسٹر نا خوانندہ ئس ءِ و اکبر نا مار حسام ہنجگور نا ہندی تے زورکی ئٹ بیگواہ کرے۔
بلوچ اسٹوڈنٹس کونسل اسلام آباد نا پاننگ ءِ کہ نن اوفتا سلامتی نا بابت ئٹ فکر مند اُن و ہر اسِٹ آن اوفتا آجوئی کِن تینا کِڑد ئے ادا کرون۔
او پارے کہ اگہ ننا باسک آتے زوت آجو کننگ متو تو نن زوت تینا ایلو گام تا پڑو ئے کرون۔
