بلوچستان نا علاقہ دکی ٹی کوئلہ کانڑ تدینیک برجاء۔ پین ارا مزور بیران مسر۔
دکی شار آن مُسہ کلو میٹر مُر دمڑ کول مائن ئٹی پنچ شمبے نا سہب ئنا ہشت بجہ غا زہری آ گیس پُر مننگ آن تہٹی کاریم کروک مُسہ بندغ گھٹ مسر۔
تدینی آن پد ہندی کوئلہ کانڑ تیٹ کاریم کروک و محکمہ مائنز و ضلعی انتظامیہ المی کاریم ئے بِنا کریر۔ المی کاروائی آن حفیظ اللہ زندہ حالیت ئٹ پیشنگاسس۔ ایلو اِرا بندغ نا جون تِہ ہشت ساعت آن گڈ ریسکیو آپریشن آن پد کوئلہ کانڑد آن کشار۔
کوئلہ کانڑ آن کشوک جون تا چاہنداری حبیب الرحمن و سیف اللہ نا پن ئٹ مسنے۔ جون تِہ سول اسپتال دکی آ دریر المی کاروائی آن پد ارافتا علاقہ اوغانستان آ مون تِسُر ۔
