وائس فار بلوچ مسنگ پرسنز نا چیرمین نصراللہ بلوچ پارینے کہ محمد نور مری نا زوراکی ئٹ بیگواہی نا شابیٹ حوال تِہ خاہوت وی بی ایم پی ئے تسنے۔
خاہوت غاو کرینے کہ یار محمد نا مار محمد نور مری ئے برجاء تُو ئنا 12 تاریخ آ پاکستانی لشکر پیر صاحب ایف سی چیک پوسٹ ہرنائی آن بے قانودی دزگیر کننگ آن گڈ بیگواہ کرینے و خاہوت ئے محمد نواز مری نا بارث ئٹ ہچ معلومداری تننگ متنے۔ ہرا نا سوب آن او بھاز ذہنی اذیت نا گواچی ءُ۔
او پارے کہ تنظیمی تیبر آ خاہوت ئے باور تننگانے کہ محمد نور نا کیس ئے حکومت و بیگواہ کننگوک بندغ آتیکن جوڑ کروک کمیشن ئے تننگو و اونا سرسلامت آجوئی کن ہر تلہ غا توار بڑز کننگو۔
نصراللہ بلوچ حکومت آن خواست کرے کہ محمد انور مری آ اگہ دوبہ ارے تو اودے پھاش کرسا عدالت ئٹ ہتنگ مرے اگہ او بےڈوہ ءِ تو دمدستی اودے یلہ کرسا اونا خاہوت ئے دا ڈکھ آن آجو کننگِہ۔
