بلوچ نیشنل موومنٹ (بی این ایم) نا چیئرمین ڈاکٹر نسیم بلوچ چاگڑدی حوالکاری میڈیا ایکس آ پوسٹ ئس کرسا پارینے کہ حمیدہ بلوچ نا بے وخت کذیت آ ڈکھیائی اُن، ہرا کینسر تون تینا جنگ ئے کَھٹفے۔ دا اسہ المیہ ئس ءِ ہرا بلوچستان ئٹی لس مسنے، ہراڑے پاکستان نا جوہری چکاس و یورینیم نا بے رکھوک کانڑک آک زہریئو میراث الانو۔
ڈاکٹر نسیم بلوچ پارے کہ حمیدہ نہ بیرہ بلوچ مسخت نا اسہ مخ تفی کروک ئس اسک بلکہ اسہ ہمدڑد روح ئس اسک ہرا نا تینا مخلوق کن انصاف و آجوئی کن است خواہی ئے ساندہ یات تخنگو۔
بلوچ راجی تحریک کن اونا جیرت سوگو است خواہی نن کُل کن کسر شان تروکو چراغ ئس ءِ۔
