حوال تا رد ئٹ بلوچستان نا علاقہ نصیر آباد نا جہہ نوتال آن اِرا بندغ زوراکی ئٹ بیگواہ کننگانو۔
بیگواہ کننگوک بندغ آک مکسی دومکی نا مار اوشاک و حمزہ ڈومکی نا مار اختیار نا پن تیٹ درست مسنو۔
جہی حوال تا رد ئٹ درو ویگہ نا پنچ بجہ غا پاکستانی ڈھکوک ایجنسی تا کارندہ غاک پن کروک بندغ آتِہ زوراکی ئٹ بیگواہ کرینو۔
خیال ئٹ مرے تیبہ بلوچستان ئٹی زوراکی نا بیگواہی تا تدینی تیٹ ودکی مسنے ہرا نا برخلاف یکجہتی کمیٹی تیبہ بلوچستان ئٹ برانز نا کال تسنے و دا رد ئٹ جتا شار تیٹ برانز مننگ ءِ۔
بلوچ یکجہتی کمیٹی نا برانز تِہ کراچی، حب و پنجگور ئٹ توننگ نا کوشست کننگا و جتا شار تیٹ برانز تا وختا موبائل نیٹورک بند کننگا۔
