کراچی آن شانزدہ اکتوبر آ بیگواہ کننگوک خوانندہ غاک کُل آجو مسُر ولے پین اِرٹ دائسکان بیگواہ ءُ۔
حوال تا رِد ئٹ شانزدہ اکتوبر آ کراچی نا ہند بشیر ولیج آن پاکستانی لشکر نا دوآن زوراکی ئٹ بیگواہ کمبر بلوچ، سعیداللہ، بیبگر، اشفاق، ذیشان و زبیر آجو مسُر ولے آجو مروکا تون اوار بیگواہ مروکا جاوید و حنیف دائسکان بیگواہ ءُ۔
دا بندغ آتِہ پاکستانی لشکر کراچی آن اوفتا کوٹی آ چھاپہ خلسہ بیگواہ کرے، دافتا بیگواہی نا برخلاف کراچی یونیورسٹی نا نودربر آک برانز کریر۔
بلوچستان و کراچی آن تِدوکا دے تیٹی زورانسری بیگواہی تیٹی تیزی بسنے۔ زورانسری بیگواہی تا برخلاف بلوچ یکجہتی کمیٹی تیبہ بلوچستان ئٹی برانز کننگ نا پڑو کرینے۔
