بلوچستان نا دریابی شار گوادر آن حوال ءِ کہ درو ویگہ نا پاکستانی لشکر نا ترندی ئٹ بروک گاڑی اسہ جہی بندغ ئسے کتاڑا ہراڑان او بھاز ٹپی مس۔
پن کروک بندغ گزروان وارڈ گوادر نا جہی اکبر نا پن ئٹ درست مسنے۔ جہی بندغ آک ٹپی مروکا بندغ ئے خڑک ئنا اسپتال آ دریر ہراڑے بھاز دتر وہنگ نا سوب آن اونا حالیت خراب اس۔
جہی بندغ آک غاو کریر کہ پاکستانی لشکر نا کاروانک تنک انگا کوچہ و آبادی تیٹ ترندی ئٹ کارہ ہرا نا سوب آن گیشتر دنو تدینی مریک و تدینی آن گڈ لشکری کارندہ غال ٹپی مروک بندغ ئے دے خُدا کرسا الار ہنار۔
