بلوچستان: زوراکی نا بیگواہی تا لڑ برجاء، جتا جہہ تیان 10 آن زیات بندغ زوراکی ئٹ بیگواہ

بلوچستان ئٹ زوراکی نا بیگواہی تا لڑ برجاء ءِ، نوشکی آن پاکستانی لشکر 9 بندغ دزگیر کننگ آن گڈ بیگواہ کرینے۔ اندن کیچ آن اسہ ورناس بیگواہ کننگانے و اِرا بندغ نا زوراکی نا بیگواہی نا حوال ئے خاہوت وی بی ایم پی ئے تسنے۔

حوال تا رد ئٹ 11 اکتوبر آ ننکان 1:30 بجہ نا وختا قلات نا جہی بندغ ئس تربت کیچ آن سی ٹی ڈی و ایف سی نا دو آن بیگواہ کننگانے ہرا محمد یوسف نا مار عبدالمالک نا پن ئٹ درست مسنے۔

اونا خاہوت پارینے کہ نن بندغ دوست گل تیان خواست کینہ کہ او عبدالمالک کن توار بڑز کیر۔

ایلو کنڈ آن حوال رسینگانے کہ 7 آن 8 اکتوبر نا نیامٹ پاکستانی لشکر نوشکی نا علاقہ تاڑیز و بدل کاریز نا جتا ہند آتیا چھاپہ خلِسہ 9 بندغ دزگیر کننگ آن گڈ بیگواہ کرینے۔

پاکستانی لشکر نا دو ان زوراکی ئٹ بیگواہ کننگوک بندغ آک حاجی دولت خان بادینی نا مار ماسٹر فرید احمد، حاجی کرم خان نا مار عبد المالک، حاجی امان اللہ نا مار ممتاز بلوچ، حاجی امان اللہ نا مار اقبال بلوچ، علی دوست نا مار حبیب بلوچ، پراموس خان نا مار شریف جان، حاجی فاضل خان نا مار شاہ سلیم، حاجی فاضل خان نا مار ظہور جان و نجیب اللہ نا مار اسفند بلوچ نا پن تیٹ درست مسنو۔

اندن ظریف خان نا مار ہیبت خان سملانی و نورالدین سمالانی نا زوراکی نا بیگواہی نا شابیت حوال تہ خاہوت وائس فار بلوچ مسنگ پرسنز ئے تسنے۔

وائس فار بلوچ مسنگ پرسنز پارینے کہ خاہوت گل ئے پارینے کہ ہیبت خان سمالانی و نورالدین سمالانی میر کول کمپنی ٹی کاریم کریرہ پنچ شمبے نا دے مزور تا پہریا تننگ مسکہ، برجاء تُو ئنا 17 تاریخ آ جناح روڑ آن تینا پہریا تا ہلنگ کن ہننگ اسر اوفتہ پاکستانی لشکر قدوسی جنرل سٹور نا مون آن دزگیر کننگ آن گڈ بیگواہ کرے۔

گل ئنا سروک پارے کہ نن گل ئنا تیبر آ خاہوت ئے باور تسونن کہ ہیبت خان و نورالدین نا کیس ئے حکومت و کمیشن ئے سر کرون و اوفتا رکھوک آجوئی کن ہر تلہ غا توار بڑز کرون۔

خیال ئٹ مرے برجاء تُو ئٹی بلوچستان آن زوراکی نا بیگواہی تیٹ بھاز ودکی مسنے و بلوچستان آن پیشن شار تیان ہم بلوچ ورناک زوراکی نا بیگواہی تا گواچی مسنو۔

شونکار

شونکار|زْرمبش براہوئی

شونکار

شونکار|زْرمبش براہوئی

Next Post

دکی: کوئلہ سپلائی بند، 40 ہزار مزورک تینا باوہ پیرئی ہند آتا ہنار

ہفتہ اکتوبر 19 , 2024
دکی ٹی کولا کانڑ نا مزور تیا مروکا جلہو و 21 مزور نا کھسفنگ مننگ آن پد ضلع ٹی کوئلہ نا سپلائی بند ءِ۔ لیبر ایسوسی ایشن نا رد ئٹ سیکیورٹی مفننگ نا سوب آن 40 ہزار مزور تینا باوہ پیرئی علاقہ تیا ہنانو۔ ایسوسی ایشن نا پاننگ ءِ کہ […]

دلگوش کرز

زرمبش براہوئی

زْرمبش راھے پہ آجوئی

زْرمبش بلوچی ، چہ زْرمبش شکسار ءِ نیمگ ءَ بلوچی زبان ءَ گزارش ءُ ھال شنگ کنت۔ اے ھال ، نبشتانک توار بند ءُ تامرانی دْروشم ءَ شنگ کنگ بہ اَنت۔

آسان دزرس