زوراکی ئٹ بیگواہ کننگوک بلوچ راہشون استاد واحد کمبر نا مسڑ مہلب بلوچ چاگڑدی حوالکاری میڈیا ایکس آ پوسٹ ئس کرسا پارینے کہ کنا باوہ واحد کمبر بلوچ ہرا پنیئو بلوچ راہشون ئس ءِ، تدوکا مُسہ تُو آن بیگواہ ءِ۔
بلوچستان ئٹ اونا سیاسی کاریمک کیہی دہک آ ساڑی ءُ ہرافتیٹ اونا بے کچ قربانیک ہم اوار ءُ۔ اودے بیگواہ کننگ اونا نظریہ ئے پرغنگ نا اسہ کوشست ئس ءِ۔
او پارے کہ بلوچستان ئٹی مروکا بے انصافی تا برخلاف اونا ثابت قدمی اونا عزم ئے سوگو کرے، و تینا ڈیہہ کن اونا تیبہ زند ئنا جہد اسُل رد کننگ مفک۔
مہلب بلوچ پارے کہ کنا باوہ نا پام ساندہ بلوچستان ئے پاکستانی ریاست نا زوراکی و تادی تیان آجو کننگ نا زیہا مسنے۔ اونا ڈوہ بیرہ اندادے کہ او بلوچستان نا بھاتی ئس ءِ و تین کن اندا گچین کرے کہ او سرزمین نا رکھوک آتیان اسٹ مرے۔
