خضدار: پاکستانی لشکر نا دو آن زورانسری بیگواہ کننگوک ممتاز بلوچ نا لمّہ استو کذیت کرے۔
حوال تا رد ئٹ اِرا سال آن پاکستانی لشکر نا دو آن زوراکی ئٹ بیگواہ کننگوک ممتاز بلوچ نا لمّہ ماہ جان استو کذیت کرینے۔
اونا جنازہ نماز اینو سہب ئنا سوراب ئٹ خواننگ مسنے۔
زوراکی ئٹ بیگواہ کننگوک ممتاز بلوچ ئے مُسٹمیکو وار 6 ستمبر 2022 آ پاکستانی لشکر خضدار آن بیگواہ کرے، داکان مُست ہم او اِرا وار پاکستانی لشکر نا دو آن زوراکی ئٹ بیگواہ مننگ آن گڈ یلہ مسس۔
مسٹمیکو وار پاکستانی لشکر نا دو آن بیگواہ مننگ آن پد اونا دائسکان ہچ ڈس اف و اونا لمّہ تینا مار ئنا ودار ئٹ دا جہان آن رخصت کرے۔
