حوال تا رد ئٹ بلوچستان نا ضلع کیچ ئنا بنجائی شار تربت آن پاکستانی لشکر اسہ ورناس زوراکی ئٹ بیگواہ کرینے۔
بلوچ نیشنل موومنٹ نا بندغی حق آتا ادارہ پانک ئنا رد ئٹ امام بخش نا مار بلال امام ئے 8 اکتوبر 2024 آ پاکستانی لشکر میزان بینک آن دزگیر کننگ آن گڈ بیگواہ کرینے۔
پن کروک ورنا میزان بینک ئٹ بزنس ڈولوپمنٹ افسر نا وڑ کاریم کریکہ۔
یات مرے اینو 13 اکتوبر 2024 آ تربت نا اِرا جتاؤ جہہ تیا پاکستانی لشکر اُرا تیا چھاپہ خلِسہ اِرا ورنا دزگیر کننگ آن گڈ بیگواہ کرینے ہرا نوربخش نا مار عطاء اللہ و عبدالحبیب نا مار یاسر نا پن ئٹ درست مسنو۔
