بلوچستان لبریشن فرنٹ نا ترجمان میجر گہرام بلوچ تینا شنگ کروک بیان ئٹی پارے کہ سرمچارک 11 اکتوبر ہفتہ نا دے تنظیم نا انٹیلیجنس ونگ ئنا حوال تننگ آ کارروائی کرسا آواران نا علاقہ گیشکور محراب بازار ئٹی کوزہ گیر پاکستانی ملیٹری انٹیلیجنس نا کارندہ و لیویز سپاہی نوربخش ولد عبدالحق ہرا زیک گیشکور نا ہندی اسے، سمکاری کرسا کھسفیر و سرمچارک اونا سلاہ تِتون اوار موٹر سائیکل ئے دوئی مسر۔
ترجمان پارے کہ راجی ڈوہدار کیہی سال آن گیشکور بازار و ہیب کھیب ئنا خلق آتیٹ مخبری کن مخلوق ئے بیوس کریکہ۔ اندا بندغ دلسرد نا مسڑ نجمہ ئے (ہرا اسہ اسکول ٹیچر ئس اس) پاکستانی لشکر کن کاریم کننگ نا پاریسس، ولے نجمہ بلوچ دا گندہ غا ڈوہداری آن نمن مس تو اودے ذہنی دباؤ نا گواچی کننگا ہرا نا سوب آن او 15 مئی 2023 آ خودکشی کننگ آ بیوس مس۔
او پارے کہ نجمہ نا خاہوت کوزہ گیر پاکستان نا بےسواد آ راہبندی و قانودی وڑ و ڈول ئٹ ڈوہدار نوربخش و اونا سنگت آ تِہ دزگیر کرفے ولے اوفتِہ منَہ دے آن پد ڈھکوک ایجنسی تا کنڈ آن یلہ کرفنگا، ہراکان گڈ او دوارہ مخلوق آ تادی کننگ ئٹ اختہ مسر و بلوچ سرمچار و اوفتا خاہوت آتِہ بیم ئنا گواچی کننگ تون اوار چاگڑدی گندئی تالان کننگ نا کاریم تِہ بناء کریر۔
میجر گہرام بلوچ پارے کہ بی ایل ایف تینا راج ئے باور کرفک کہ نن تینا زنک ئنا خونی تِہ ہچ وڑ آ بخشوفن۔ نن دا ہم پھاش کینہ کہ ہرکس بلوچی دود آتِہ لتاڑِسہ راجی تحریک نا برخلاف دشمن نا گندہ غا مسخت آتا بشخ مرو، اوڑان زوت یا ہُرے آ الم حساب ہلنگ مرو۔
اونا پاننگ اس کہ نن بلوچ نرینہ و نیاڑی تیان خواست کینہ کہ او ہر وختا نوربخش کون آ راجی ڈوہدار تا پیدواری ئے کیر و اوفتا بلیک میلنگ نا کوشست ئٹ اسل بفس، دن مف کہ نما چُپی نجمہ کون آ لائخ و گشادی آ بلوچ گودی تا ساہ ئے ہلے۔ دا جنگ اسہ بندغ نا اف، بلوچ راج ئنا بروکاتم، بقا و ٹیوار نا عظیم انگا جنگ ءِ۔ دا نا تیبہ سرسوبی کن داٹی ہر تپہ بشخ ہلے۔ بلوچ راج ئنا ہر تپہ چائے او ہرا وڑ ئٹ راجی تحریک ئٹی تینا بشخ ئے تے۔ دا جنگ ئٹی سرسوبی ننا مرو۔
ترجمان ایسر ئٹ پارے کہ بلوچستان لبریشن فرنٹ راجی ڈوہدار ئے مرگ ئنا گواچی کننگ نا ذمہ واری ئے ہرفک و دا ڈغار نا آجوئی اسکان کوزہ گیر لشکر و اونا کمکار تِہ ٹک کرسا کرون۔
