بلوچ نیشنل موومنٹ نا بندغی حق آتا ادارہ پانک چاگڑدی حوالکاری میڈیا غا تینا شنگ کروک بیان ئٹ بلوچستان ئٹ برجاء زوراکی نا بیگواہی تیا فریشانی نا درشانی کرینے۔
پانک ئنا رد ئٹ پاکستانی لشکر بلوچستان نا ضلع کیچ ئنا بنجائی شار تربت آن اِرا بندغ و ضلع آواران آن اسہ بندغ ئس زوراکی ئٹ بیگواہ کرینے۔
بی این ایم نا بندغی حق آتا ادارہ پانک ئنا رد ئٹ 10 اکتوبر 2024آ وفا منظور و مہیم بلوچ ئے تربت و 8 اکتوبر 2024 علی محمد ئے آواران آن پاکستانی لشکر دزگیر کننگ آن گڈ بیگواہ کرینے۔
او پارے کہ دا وڑ ئنا بے قانودی دزگیری و بیگواہیک بنداوی بندغی حق آتا لتاڑ آکو ہرافتِہ دمدستی توننگ نا گرج ءِ۔ نن بیگواہ کننگوک بندغ آتا دمدستی آجوئی و دا ڈوہداری تِہ توننگ نا خواست کینہ۔
