بلوچ ریپبلکن آرمی نا ترجمان سرباز بلوچ میڈیا غا شنگ کروک تینا بیان ئٹی پارینے کہ درو آن ضلع ڈیرہ بگٹی نا تحصیل سوئی نا علاقہ لنجو، سغاری، رئیس توخ و کچی کینال نا ہیب ءَ کھیب ئٹی پاکستانی لشکر نا کنڈ آن دو ہورک آ شاری تیا شیلنگ و بمباری برجاء ءِ، ہرا نا سوب آن چُنا نیاڑیک ٹپی مسنو۔
ترجمان نا رد ئٹ، اینو سہب ئنا بلوچ سرمچارک رئیس توخ نا خڑکا پاکستانی لشکر نا اسہ کاروان ئسے آ سنگر ہلِسہ راکٹ و بھلا سلاح تیٹ جلہو کریر، ہراڑان دشمن لشکر نا کیہی کارندہ غاک ٹپی و مرگ ئنا گواچی مسر۔
او پارے کہ داکان بیدس، سغاری و سئے نمبر شاخ ئنا نیامیکو علاقہ ٹی آپریشن ئٹی اختہ لشکری کارندہ غا تیا بلوچ سرمچارک خودکار سلاح تیٹ جلہو کریر، ہرا نا سوب آن ارا کارندہ مرگ ئنا گواچی مسر۔
ترجمان سرباز بلوچ ودیک پارے کہ دو ہورک آ الس آ مروکا لشکری تادی تا برخلاف نن الس ئنا دفاع ئے کرون۔
