کوئٹہ ٹی درست مفروکا بندغ آک وائس فار بلوچ مسنگ پرسنز نا بین برانزی کیمپ ئے خاخر تسر ہراڑان کیمپ ئنا اسہ بشخ ہُشنگسہ ہس مس۔
وی بی ایم پی نا وائس چئیرمین ماما قدیر بلوچ کیمپ آن ویڈیو کلہو ئس شنگ کرسا پارے کہ او کیمپ ئٹی ہڑدے نا وڑ تولوک اس کہ اسٹ ئس خاخر لگفے و نرا۔
او پارے کہ او پولیس ئے حوال تسنے و ڈوہدار تا دزگیری نا خواست کرینے۔
یات مرے کہ وائس فار بلوچ مسنگ پرسنز نا بین برانزی کیمپ 14 سال آن برجاء ءِ ہرا زوراکی نا بیگواہی تا گواچی مروک بندغ آتا آجوئی نا جہد کننگ ءِ۔
