ماہ رنگ بلوچ خواست کرینے کہ ریاستی ادارہ غاک پشتون آتا برخلاف تاغت کاریم ئٹ ہتنگ ئے بند کیر۔
بلوچ باسک و بلوچ یکجہتی کمیٹی نا آرگنائزر ماہ رنگ بلوچ چاگڑدی حوالکاری میڈیا ایکس آ تینا درشان ئٹی پارینے کہ پشتون راجی جرگہ ئے توننگ نا کوشست ئٹی پشتون تحفظ موومنٹ نا برخلاف سیکیورٹی لشکر نا کنڈ آن تاغت و بیدادی کاریم ئٹ ہتنگ نا سخت مذمت کیوہ۔
او پارے کہ سیاسی باسک آتیا بیدادی و منظور پشتین نا کاروان آ جلہو پشتون الس ئنا توار ئے بے توار کننگ نا کوشست ءِ، پشتون سیاسی باسک آتا برخلاف تاغت کاریم ئٹ ہتنگ ئے زوت بند کیر۔
ماہ رنگ بلوچ بندغی حق آتا تنظیم آتیان خواست کرینے کہ سیاسی باسک آتا برخلاف ریاستی بیدادی و تاغت نا کارمرز آ زوت نوٹس ہلیر۔
