تُدوکا دے گوادر آن پاکستانی لشکر نا دُو آن بیگواہ کننگوک لیویز کارندہ غا تا زورانسری بیگواہی تا برخلاف اوفتا سنگت لیویز کارندہ غاک ڈیوٹی تننگ آن نمن کرسا سنگت کارندہ غا تا آجوئی نا خواست کریر۔
لیویز کارندہ غا تا پاننگ ءِ کہ ہراتم اسکان دودا و زکریا ئے آجو کننگ متنے برانز برجاء مرو۔
دا وخت لیویز کارندہ غا تا بھلو کچ ئس ڈی سی آفس نا مونا برانز ریکارڈ کننگ ءِ۔
یاتی مرے کہ 27 ستمبر ہفتہ نا شام گْوادر نا ہند اندر نیو ٹان آن پاکستانی لشکر و ڈھکوک اداہ غا تا کارندہ غاک پنچ بندغ ئے دزگیر کرسا بیگواہ کریسر۔
بیگواہ کننگوک بندغ آتیٹ اِرا ورنا لیویز فورس ئنا کارندہ دودا خالد و زاکر نا پن ئٹ درست مسنو۔
ہندی حوالکار تا رد ئٹ پن کروک ورنا تیتون اوار پین مُسہ بندغ ہم زورانسری بیگواہی نا گواچی مسُنو ہرافتیٹ نور بخش نا مار معراج، حسین نا مار اعجاز و حمزہ نا مار ایوب نا پن ئٹ درست مسنو۔
