بلیدہ کیچ آن بیگواہ کننگوک شاہ مراد بلوچ نا خاہوت تینا درشان ئٹی پارینے کہ شاہ مراد ئے جہی آ ریاستی لشکر (ڈیتھ اسکواڈ) نا کارندہ آک کوشک بلیدہ آن پانزدہ جون 2019 ٹی بیگواہ کریر، اوکان پد دائسکان ننے اونا ہچ حوال رسینگتنے۔
او پاریر کہ نن شاہ مراد نا سلامت آجوئی کن عدالت آتیا ہنان، سوشل میڈیا آ مہم چلّفین ولے پدا ہم ننے اونا ڈس ملّتو کہ او اَراڑے کن ءِ و امر ءِ۔
خاہوت، سیاسی، چاگڑدی و بندغی حق آتا ادارہ، جہدکار، سوشل میڈیا چلّفوکا تیان خواست کرے کہ او شاہ مراد بلوچ نا سلامت آجوئی کن توار ہفّر۔
