بلوچستان لبریشن فرنٹ نا ترجمان میجر گہرام بلوچ تینا شنگ کروک بیان ئٹی پارے کہ سرمچارک کوزہ گیر پاکستانی لشکر نا ٹریکٹر ٹرالی انجن و ٹئیر تِہ سُم کاری کرسہ بُھس کریر۔
او پارے کہ 27 ستمبر آ جمعہ نا دے 12 بجہ غا مند بلو آ مبارک چات نا میانیکو میر باغ نا ہند آ دا کاریم مس۔
اونا پاننگ اس کہ بُھس مروکا ٹریکٹر ئٹ پاکستانی لشکر سمِٹ و راشن چوکی تیا دریکہ۔ سرمچارک وختس سُمکاری کریر دا وختا ٹریکٹر کیمپ ئے تفنگ کِن سمِٹ دننگ اس۔
ترجمان پارے کہ بلوچستان لبریشن فرنٹ دا جلہو نا زمہ واری ئے ارفک۔ کوزہ گیر لشکر نا بلوچستان آن پیشنگ ئسکان دا کاروائیک برجاء مرو۔
