بلوچستان نا ضلع موسیٰ خیل ئٹی درست مفروکا سلاہ بند بندغ آک اسہ تعمیراتی کمپنی ئسے نا کیمپ آ جلہو کرسا مشین تِہ ہُشار۔
کالخواہ تا رد ئٹ تدینی شام ئنا ضلع موسیٰ خیل آن اَسہ سد کلو میٹر مُر تحصیل درگ ئنا ہند سیوئی راغہ ٹی مس۔
کمشنر سعادت حسن پارے کہ درزن ئسےبنا کچ بندغ آک اسہ تعمیراتی کمپنی ئسے نا کیمپ آ جلہو کریر ہرا اندا جاگہ ٹی گیس و تیل ئنا پٹ و پول کروکا پی پی ایل گیس کمپنی نا کیمپ اسکان اسہ کسر ئس جوڑ کننگ اسُر۔
او پارے کہ جلہوکارک مزور تے کیمپ و مشینری تے النگ نا پاریر و پدا سامان تے ہُشار۔
کمشنر نا رد ئٹ کسر نا جوڑ کننگ کن 17 مزور کاریم کننگ اسُر۔
او پارے کہ مزور تا برمتہ مننگ نا حوال دروغ اسے۔
پین افسر ئسے نا رد ئٹ جلہوکارک ہفت بلڈوزر و اسہ پک اپ لاری ئسے ہُشار۔
