بلوچستان نا ہند کوہلو ٹی کوئلہ غان لوڈ ٹرک کھڈ کروک بارود آتا دک ئٹ بس۔
شابیتی حوال تا رد ئٹ ہنوکا دے کوہلو نا ہند چمالنگ ئٹی کوئلہ آن لوڈ لاری کھڈ کروک بارود آتون ڈک لگا، ہرانا سوب آن لاری ئے نسخان رسینگا، ولے ٹرک ڈرائیور تراک ئٹی رکھوک مس۔
ایلو کنڈ آن قلات نا ہند شاہ مردان ئٹی ساڑی ایف سی چیک پوسٹ ئے سلاہ بند بندغ آک تدوکا دے خودکار و کبین آ سلاہ تیٹ جلہو ئٹ ٹک کریر۔
ہندی حوالکار تا رد ئٹ جلہو خُڑکیکا بیست منت اسکان برجاء سلیس، ہند ئٹی سمکاری و تراک نا توار بننگا۔
پاننگیک کہ جلہو آن پد لشکر نا کنڈ آن مارٹر گولہ ہم خسنگ مس۔ واہم سلاہ بند بندغ آک پیشتمنگ ئٹی سرسوب مسر۔
دا جلہو ئٹی پاکستانی لشکر ئے جانی و مالی نسخان رسینگانے۔
دائسکان دا جلہو نا ذمہ واری ئے ہچو تنظیم ئس ہفتنے۔
