حوال تا رد ئٹ درو لاہور ئٹ بلوچ خوانندہ غا تیا جمیعت نا بندغ آک جلہو کرسا خوانندہ غا تِہ ٹپی کریر، ہرافتا حالیت بھاز خراب مس۔
شابیتی حوال تا رد ئٹ پنجاب نا بنجائی شار لاہور نا پنجاب یونیورسٹی ٹی خوانوک و رہینگوکا بلوچ خوانندہ غا تیا جمیعت نا خوانندہ غاک جلہو کریر، تدینی ٹی پنچ بلوچ خوانندہ نا ٹپی مننگ نا حوال مونا بس۔
حوال تا رد ئٹ دا وختا جمیعت نا باسک آک آتشی سلاہ کارمرز کریر۔
تدینی ٹی بلوچستان آن تعلقداری تخوک کیہی خوانندہ غا تِا کاٹمک و بدنک بھاز ٹپ مسر و اِرا بلوچ خوانندہ نا حالیت بھاز خراب مسس۔
بلوچ کونسل لاہور نا رد ئٹ جمیعت نا باسک آک اوفتا سنگت آتیا بیدادی کریر ولے پولیس اوفتیا بیدادی کروکا بندغ آتِہ دزگیر کننگ نا جاگہ غا 20 آن گیشتر بلوچ خوانندہ غا تِہ دزگیر کرسا تھانہ غا درے۔
