زوراکی ئٹ بیگواہ کننگوک نور عالم کن شال ئٹ وائس فار بلوچ مسنگ پرسنز و زوراکی ئٹ بیگواہ کننگوک بندغ آتا خاہوت آک اینو برانزی ریلی ئس کشار۔
بیگواہ غا بلوچ آتا آجوئی کن وی بی ایم پی نا برانزی کیمپ آن ریلی بناء کننگا و جتا کسر تیٹ پھیری کرسا عدالت روڈ آ سر مرسا ایسر کننگا۔
حق دو تحریک نا سروک و بلوچستان اسمبلی نا باسک مولانا ہدایت الرحمن تون اوار ایلوفک ریلی ٹی بشخ ہلکر۔
ریلی نا برانزیک نور عالم تون اوار ایلو بیگواہ کننگوکا بندغ آتا آجوئی کن نعرہ خلکُر۔
برانزیک پاریر کہ نور عالم ہنوکا ہفت سال آن زوراکی ئٹ بیگواہ کننگانے دائسکان ہم اونا ہچو حوال ئس اف۔
اوفک پاریر کہ اگہ ننا بیگواہ کننگوکا بندغ آتیا دوبہ ئس ارے گُڑا اوفتے عدالت نا مونا ہتنگ مرے تاکہ قانود نا رد ئٹ اوفتا برخلاف کاروائی کننگ مرے۔ اگہ اوفک ڈوہدار افس تو اوفتے زوت یلہ کیر تاکہ اوفتا خاہوت آتِہ ہرا اذیت و دڑد آن گدرینگوئئ تمک او ڈکھ آن آجو مریر۔
برانزیک تینا خواست آتا حق ئٹی نعرہ خلکر پدا ایمنی ئٹ دانگ اینگ مسر۔
