اینو سہب ئنا پنجگور نا علاقہ آن زاکر دشتی و اونا سیال آتا بیگواہ مننگ نا برخلاف اوفتا خاہوت برانز کرسا سی پیک کسر ئے بند کننگ نا پڑو کرینے۔
زاکر دشتی نا ایلم و ایلو سیال آک پارینو کہ اینو سہب ئنا یانزدہ بجہ نا وختا سلاہ بند بندغ آک زاکر دشتی ئے اونا ایلم و تاتا نا مار تون اوار سی پیک کسر آ حاجی یاسین مارکیٹ نا خڑک آن زور ئٹ ہرفینو تینتون اوار درینو۔
او پاریر کہ سلاہ بند بندغ آک اِرا ویگو گاڑی ٹی بسنو و اوفتے درینو۔ اوفک خواست کرینو کہ پولیس زاکر دشتی و ایلوفتے زوت یلہ کرفِہ نہ تو نن برانز کرسا سی پیک کسر ئے بند کرون۔
