بلوچستان ئٹی ساڑی آ حکومت نا دور ئٹی پین 542 اسکول بند مسر، تیبہ بند مروک اسکول تا کچ 3694 مس۔
محکمہ تعلیم بلوچستان ئٹی بند مروک اسکول تا رد ئٹ رپورٹ ئس شنگ کرسا پارینے کہ بلوچستان ئٹی ساڑی آ حکومت نا دور ئٹی پین 542 اسکول بند کننگانو۔
محکمہ تعلیم نا رپورٹ نا رد ئٹ بند انگا سکول تے ملنگ کن شانزدہ (16) ہزار استاد بکار ءِ۔
رپورٹ نا رد ئٹ برجاء سال ئنا مئی اسکان بند مروک اسکول تا کچ مُسہ ہزار یک سد و پجاہ و دو (3152) اس۔ 2 ستمبر اسکان سی و پنچ (35) ضلع ٹی غیر فعال سکول تا کچ مُسہ ہزار شش سد و نود و چھار (3694) مسنے۔
کُل آن زیات یعنی دو سد و پنجاہ و چھار (254) اسکول پشین ئٹ بند مسنو و کُل آن کم یعنی سینزدہ (13) اسکول ضلع ڈیرہ بگٹی ٹی بند مسنو۔
