بلوچستان نا علاقہ بارکھان ئٹی اِرا دے ئٹی مسہ موبائل ٹاور سلاہ بند بندغ آک جلہو کرسا بھس کرینو۔
درو بغاؤ نا علاقہ چھودی ٹی سلاہ بند بندغ آک یوفون کمپنی نا موبائل ٹاور آ سمکاری کننگ آن گڈ مشینری تے خاخر تسر۔
منہ ساعت آن پد ولدا بغاؤ نا علاقہ لعل جان بھکرانی ٹی یوفون کمپنی نا اسہ پین ٹاور ئسے سلاہ بند بندغ آک ٹِک کرسا بھس کریر۔
موبائل ٹاور نا بھس مننگ آن گڈ علاقہ ٹی نیٹورک تیبہ بند مسنے۔ کوالخواہ تا کنڈ آن دابارث ئٹ دائسکان ہچو ہیت متنے۔
ہندا علاقہ ٹی اِرا دے مست ہم اسہ ٹاور ئسے جلہو ئٹ ٹِک کرسا بھس کننگاسس ہرا نا زمہ واری ءِ بلوچ آجوئی دوست تنظیم بلوچستان لبریشن فرنٹ ہرفیسس۔
تیبہ بلوچستان ئٹی سلاہ بند آجوئی دوست تنظیم آک حوالکاری نظام آتے ٹِک کننگ ءُ۔ اوفتا پاننگ ءِ کہ پن کروک ٹاور آتیان جاسوسی نا کاریم ہلنگ مریک۔
