بلوچ یکجہتی کمیٹی نا ترجمان تینا بیان ئٹی پارے کہ بلوچستان ئٹی جشوک جون خسنگ نا لڑ ئٹ ترندی ہتنگانے۔ بلوچستان نا جتا علاقہ آتیان کیہی جشوک جون خننگانے ہرافتیان چھار ئنا چاہنداری فیاض جتک، نثار احمد زہری، نعیم احمد، و سعید احمد اوار ءُ۔ داکان بیدس ایلو جون تا چاہنداری دائسکان متنے۔
او پارینے کہ بلوچستان ئٹی اسہ وار پدا ظلم، زوراکی، و بربریت ئٹی ترندی ہتنگانے۔ ریاست بلوچ زنک کشی نا پالیسی تے ہچ وڑ آ کھٹفنگ کن تیار اف۔ ریاست نا پر تشدد پالیسی تیان دا ہیت پھاش مسنے کہ ریاست بلوچستان ئٹی بیرہ توغت و بےدادی کاریم ئٹ ہتنگ آ باور تخک۔ دا پالیسی بلوچستان ئٹی اسہ بندی بحران ئس ودی کرینے، ہراڑے اسہ دے ئٹی کیہی ورنا تے کھسفِسہ اوفتا جشوک جون تے خسنگک۔
ترجمان پارینے کہ نن بندغی بق آتا تنظیم آتیان خواست کینہ کہ بلوچستان ئٹی بندغی حق آتا لتاڑ آ دمدستی ایکشن ہلیر۔ ریاست پاکستان نا پر تشدد پالیسی تا سوب آن بلوچستان ئٹی لکھ آ بندغ آتا زند آک خطرہ ٹی ءُ۔
