حوال تا رد ئٹ کیچ ئنا علاقہ زامران ئٹی کٹگان زامران فوجی کیمپ ئنا اسہ میجر ئس ہندی مخلوق ئے خواہفِسہ دڑکو تسنے کہ او داکان ہمپِسہ علاقہ ئے ہورک کیر۔
ہندی مخلوق نا پاننگ ءِ کہ میجر پارینے کہ اوفتے جہی آ بندغ آتیا باور اف و او بلوچ سرمچار آتے پاکستانی لشکر آ جلہو تیٹ کمک کیرہ۔
اوفتا پاننگ ءِ کہ میجر علاقہ نا معزر آتے ہیت ئنا وار ہم تتو و دڑکو تس کہ او علاقہ آن پیشتمر۔ پاکستانی لشکر زامران نا مخلوق ئے بیوس کننگ ءِ کہ او تینا باوہ پیرئی علاقہ ئے الیر و ہمپِسہ علاقہ ئے ہورک کیر۔
میجر پارینے کہ اگہ او علاقہ ئے ہورک کتور تو نن سختی کننگ آ بیوس مرون۔
زامران نا مخلوق نا پاننگ ءِ کہ میجر نا جاگہ غا آرمی چیف، وزیر اعلی یا پین کس ئس برے ہم او تینا باوہ پیرئی جاگہ غا تے الوفن۔
او بندغی حق آتا ادارہ و تنظیم آتیان خواست کرینو کہ او اوفتے بے اُرا مننگ آن رکھیر و اوفتے کن توار بڑز کیر۔
