بلوچ لبریشن آرمی نا ترجمان تینا شنگ کروک بیان ئٹی پارے کہ آپریشن ھیروف 20 گھنٹہ برجاء مننگ آن پد سرسوبی ئٹ ایسر مس۔ دا آپریشن ئے ایسر کننگ کرسا بی ایل اے، مجید برگیڈ نا 9 فدائی و فتح اسکواڈ نا اَسہ جانباز سرمچار ئس شہید مس، آپریشن نا وختا 130 دژمن کارندہ مرگ ئنا گواچی کننگا۔
آپریشن ھیروف نا وختا بلوچ لبریشن آرمی نا مجید برگیڈ نا دا فدائیک شہید مسر۔
آپریشنل کمانڈر جند ندر شہید غوث بخش سمالانی عرف طالب ولد میشدار سمالانی نا تعلقداری شاہرگ، ترکڑی آن اسک۔ فدائی شہید غوث بخش 2019 آن بلوچ لبریشن آرمی تون اوار مرسا راجی آجوئی کن بولان نا محاذ آ خذمت سر تننگ اس۔ فدائی شہید غوث بخش نا باوہ میشدار سمالانی ہم بلوچ لبریشن آرمی نا اَسہ بہادر ءُ سرمچار ئس اسک۔ ہرا نومبر 2022 ئٹی کوزہ گیر پاکستانی لشکر نا برخلاف اَسہ جنگ ئسے ٹی بہادری ئٹ جنگ کرسا شہید مس۔ اونا چُنکا ایلم شہید فدائی سنگت محمد بخش عرف خالد ولد میشدار سمالانی ہم مجید برگیڈ نا اَسہ فدائی ئس اسک۔ سنگت فدائی غوث بخش 2022 ئٹی بی ایل اے مجید برگیڈ ئٹ اوار مس۔ بی ایل اے مجید برگیڈ نا بیلہ ہیڈکوارٹر آ تیا جلہو نا آپریشنل کمانڈر اسک۔ آپریشن نا وختا نی سنگت آتا قیادت کرسا تینا جنگی لائخی تے کارمرز کرسا کیہی دژمن تے مرگ ئنا گواچی کرے۔ او جنگ نا اولی لڑ ئٹی ٹپی مسس، ولے ٹپی مننگ آن بیدس ہم او 20 گھنٹہ اِسکان دژمن تون جنگ تسس۔
شہید فدائی سنگت ماہل عرف زلان کرد ولد کہدہ گْوادر نا ہند سربندر آن تعلقداری تخاکہ۔ بیست ءُ دو سالہ ماہل بلوچ لاء کالج تُربَت ئٹی ایل ایل بی نا ہشتمیکو سمسٹر ئٹی اسک۔ او 2022 ٹی بلوچ لبریشن آرمی تون اوار مرسا راجی غلامی نا برخلاف سلاہ بند جہد ئنا کسر ئے ہرفے۔ او ہمو سال رضاکاری بی ایل اے مجید برگید ئے تینا خذمت آتے پیش کریس۔ بی ایل اے نا آپریشن ھیروف ٹی بیلہ ہیڈکوارٹر آ آپریشن نا بناء ئے او بارود آن پُر لاری ئے دژمن نا کیمپ آ خلک۔ ہرانا سوب آن مجید برگیڈ نا فدائی تے کیمپ ئٹی پیہنگ نا وارخواہی رسینگا۔ او بلوچ زالبول تیٹ بڑز سیاسی شعور نا مظہر اس۔ اونا قربانی آن اَسہ وار ئس ولدا ثابت مریک کہ بلوچ راجی تحریک آجوئی و بی ایل اے ٹی جنسی فرخ ئنا ہچو گنجائش اف و دا جہد ئٹی کُل بلوچ بیدس فرخ جنس برابر اوار ءُ۔
شہید سنگت رضوان بلوچ عرف حمل ولد مولا بخش نا تعلقداری گْوادر پانوان آن اسک۔ بیست و دو سالی آ رضوان 2022 ٹی بلوچ لبریشن آرمی تون اوار مرسا ہمو سال بی ایل اے مجید برگیڈ ئے بطور رضاکار تینا خذمت آتے پیش کرے۔ نی دا آپریشن ٹی بارود آن پُر ارٹمیکو لاری ئے دژمن لشکر نا بیلہ ہیڈکوارٹر نا ایلو نیمہ غا خلکوس۔ و بہادری نا اعلی مثل قائم کرسا شہادت نا اعزاز تینا پِن آ کریس۔
شہید فدائی محمد بلوچ عرف میرک ولد سعید بلوچ جنگیزی نا تعلق سوراب تسپ آن اسک۔ بیست ءُ دو سالہ محمد بلوچ 2022 ٹی بلوچ لبریشن آرمی تون مس۔ و راجی غلامی نا برخلاف تینا فرائض سرانجام تریسہ کرے، 2023 ٹی بی ایل اے مجید برگیڈ ئے تینا خذمت آتے پیش کرے۔ نی بی ایل اے مجید برگیڈ نا فدائی سنگت رئیس نا سیال ئس اسوس، ہرا 2018 ٹی کوزہ گیر پاکستان نا شرکت دار چائنیز قونصلیٹ آ جلہو ٹی اوار اسک۔
شہید فدائی انگت فضل گل زہری عرف شاہویز ولد گل محمد زہری نا تعلق خضدار نا ہند پیرشار زہری آن اسک۔ نی 2022 ٹی بلوچ لبریشن آرمی تون اوار مس و مَشی محاذ آتیا راجی غلامی نا برخلاف خذمت سرانجام تس، نی ہمو سال مجید برگیڈ نا بشخ مسوس۔ فدائی فضل گل زہری اَسہ ماہر نشانہ باز ئس اسک، بیلہ کیمپ آ جلہو نا وخت نی درجن آ زیات دژمن کارندہ تا ہیڈ شاٹ ہلیسہ اوفتے موقع آ خلکوس و ایلو فدائی پیش قدمی نا موقع تسوس۔
شہید فدائی سنگت طیب عرف لالا ولد مولا بخش نوشکی نا ہند احمد وال آن تعلق تخاکہ۔ نی 2022 ٹی بلوچ لبریشن آرمی تون اوار مسوس و مَشی محاذ آ تیا راجی غلامی نا برخلاف برسرپیکار مسوس۔ داکان مُست نی کوزہ گیر ریاست پاکستان نا بشخ اسوس ولے احساس غلامی نا باعث نی قابض لشکر نا ایلیسہ پیشن ملک ہِناس ولے پدا پیشن ملک ئے یلہ کرسہ تینا راجی زمہ واری تے پورو کننگ کن بلوچ راجی آجوئی نا جنگ ئٹ اوار مسوس۔ تینتیس سالہ فدائی محمد طیب 2023 ٹی بی ایل اے مجید برگیڈ ئے رضاکارانہ طور تینا خذمت آتے پیش کریس و آپریشن ھیروف نا وخت جرت و بہادری تون آخری ساہ اِسکان جنگ کریس۔ سُم تا چھٹنگ آن پد نی گڈیکو سُم آن تینٹ شہادت قبول کریس۔
شہید فدائی سنگت جنید زہری عرف کامی باوہ نا پِن ڈاکٹر عبدالوہاب زہری ساموانی زہری خضدار نا ہندی ئس اس۔ بیست سال ئنا ورنا جنید بلوچ اِرا ہزار بیست ءُ سئے ئٹی بلوچ آجوئی لشکر (بی ایل اے) ٹی بسّس و ہمو سال او مجید برگیڈ ئٹی پِن تسّس۔ او اسہ مخلصو و بھازا گشاد تخوکو سنگت ئس اس۔ او آپریشن "ہیروف” ئٹی بیست گھنٹہ آن زیات دشمن فوج ئتو جنگ تِس۔
او پارے کہ داکا ویتہ بی ایل اے مجید برگیڈ نا اِرا فدائی سنگت شہید فدائی آصف نیچاری و شہید فدائی محمد بخش سمالانی ہم آپریشن "ہیروف” نا بشخ اسّہ۔ و ایلو فدائی سنگتاتون ملّنگ کن بیلہ نا کُنڈ آ ہِننگ ئٹی اسّہ ولے کسر آ ہڑتوما سنگتاک دشمن فوج ئتو مون پہ مون مسّہ۔ نوزدہ اگست اِرا ہزار بیست ءُ چھار آ کوزہ گیر پاکستانی فوج ئتو کیئی گھنٹہ اسکان جنگ کریر، ہراڑے او ہفت دشمن کارندہ ئے خلّنگ آن پد شہید مسّہ۔
او ودیک پارے کہ شہید فدائی محمد آصف نیچاری عرف نوید باوہ نا پِن شفیع محمد نیچاری منگچر قلات ٹی رہینگاکہ۔ او اِرا ہزار بیست و سئے آن بلوچ راجی غلامی نا برخلاف جہد کننگ ئٹی اس و ہمو سال او مجید برگیڈ نا بشخ مسّ۔ سنگت آصف خواری کروکو سنگت ئس اس، او دشمن نا برخلاف بھازا جنگ آتیٹ گچینی ئٹ جہد کریسس۔
ترجمان پارے کہ شہید فدائی سنگت محمد بخش سمالانی عرف خالد شہید میشدار سمالانی نا مار اس و ترکڑی شاہرگ نا ہندی ئس اس۔ ہندن او آپریشن "ہیروف” نا کماندار فدائی شہید غوث بخش سمالانی نا چُنکا ایلم اس۔ سنگت محمد بخش اِرا ہزار بیست س یک ئٹی بی ایل اے ٹی بسّس و اِرا ہزار بیست و سئے ئٹی مجید برگیڈ ئٹی پِن تسّس۔ او تینا شہید آ باوہ شہید میشدار سمالانی آن بار محنت کروک و مخلص ءُ سنگت ئس اس۔ او تینا باوہ و ایلم آن بار مون پہ مون گھنٹہ آتے اسکان جنگ ترسا شہیدی نا پِن ئے کَھٹا۔
او پارے کہ آپریشن "ہیروف” ئٹی کھڈکوچہ مستونگ نا ہند آ کوزہ گیر پاکستانی فوج ئتو جھڑپ ئٹی بی ایل اے فتح اسکواڈ نا دلیر آ سنگت شفقت مینگل بھادری و دلیری ئٹ دشمن تون جنگ کرسا شہید مس۔
اونا پاننگ اس کہ شہید سنگت شفقت مینگل عرف دیار ولد عنایت اللہ مینگل ناگ واشک ٹی رہینگاکہ۔ او بلوچستان یونیورسٹی ٹی شعبہ تعلیم نا خوانندہ ئس اس، ہندن او بلوچ خوانندہ سیاست ئٹی ہم جہد کرینے۔ او اِرا ہزار بیست و سئے ئٹی بی ایل اے ٹی اوا مس و راجی آجوئی نا جہد ئنا بنا ئے کرے۔ او ناگاہو قلات نا سنگر آن تینا زمہ واری تے پورو کننگ ئٹی اس و تینا لائیخی و جنگی گشاد آتا سوَب آن سنگت شفقت زو ئس بی ایل اے نا مُہہ ئنا دستہ فتح اسکواڈ نا بشخ مس۔ او بھاز آ جنگ آتیٹ تینا جنگی گشاد آتا سوَب آن دشمن ئے خن شیف کریسس۔
او ایسر ئٹ پارے کہ بی ایل اے آپریشن "ہیروف” ئے سرسوب کننگ کن دا شہید آتا کڑد ئے منّک و دا بھلا قربانی تا اوفتے دروت ندر کرسہ دا جوزہ نا اسہ وار پین درشانی ئے کیک کہ شہید آتا قربانیک ہِچ وڑئٹ گیرام کننگ مروفس۔ دا قربانی تا تاغت آن اسہ آجو ءُ و تینا واک تخوکو بلوچ وطن ئس جوڑنگو و شہید آتا تُغ ئنا مراد پورو کننگو۔
