بلوچ لبریشن آرمی نا ترجمان جیئند بلوچ بیان ئس شنگ کرسا پارے کہ ننا سرمچار آک نوشکی ٹی کوزہ گیر پاکستانی لشکر نا اسہ کمکار ئسے سم کاری کرسا مرگ ئنا گواچی کریر۔
ترجمان پارے کہ سرمچار آک نوشکی شار ئٹ مَل اسٹاپ نا ہند آ سم کاری کرسا پاکستانی لشکر نا کمکار، سندھ ئنا ہندی عبداللہ بابر نا مار عبدالوحید ئے کھسفیر۔
او پارے کہ بی ایل اے نا سرمچار آک دا بندغ آ بھلو وخت ئسے آن نظر تخوک اسر ہرا جُھپی ئٹ نوشکی شار ئٹ مخبری نا کاریم کننگ اس۔
جیئند بلوچ پارے کہ بلوچ لبریشن آرمی دا جلہو نا ذمہ واری ئے ہرفک۔ کوزہ گیر پاکستانی لشکر و اونا شریک آتیا ننا جلہوک برجاء مرور۔
یاتی مرے بلوچستان نا ضلع نوشکی ٹی درو سم کاری نا ویل ئسے ٹی سندھ ئنا بندغ اس خلنگاسس، ہرا ٹھوپ بہا کننگ نا کاریم کریکہ، ہرادے کھسفنگ نا زمہ واری ئے پدان بی ایل اے ہرفے و پارے کہ او پاکستانی لشکر نا کمکار ئس مسنے۔
