بلوچستان نا ضلع ڈیرہ بگٹی نا ہندی نظر علی بگٹی نا مار بندہ خان کوئٹہ غان پاکستانی لشکر نا دو آن زوراکی ئٹ بیگواہ کننگانے۔
خاہوت نا ردئٹ اودے سیٹلائٹ ٹاؤن آن پانزدہ اگست آ دزگیری آن پد بیگواہ کننگانے۔ بندہ خان بگٹی سیٹلائٹ ٹاؤن ئٹ ٹہِفوک بگٹی ہاؤس نا بج ئنا پارہ غا مسیت ئٹ نماز خواننگ آن پد پیشتماسس ہراڑے پاکستانی لشکری کارندہ آک اودے دزگیر کرسا بیگواہ کریر۔
یاتی مرے بلوچستان ئٹ زوراکی نا بیگواہی تا تدینی تیٹ بھیم بش کروک ہد اسکان ودکی مسنے۔ بلوچ سیاسی و چاگڑدی تپہ آتا پارہ غان زوراکی نا بیگواہی تا تدینی تے اشتماعی سزا پاننگانے۔ اوفتا رد ئٹ بیگواہ غا بندغ آتون اوار اوفتا تیوہ خاہوت ئے اذیت تننگک۔
جتا وخت آتیٹ جہانی و ہندی بندغی حق آتا تنظیم آتا پارہ غان بلوچستان ئٹ زوراکی نا بیگواہی تیا خُلیس نا درشانی کننگانے واہم دا وڑ ئنا تدینیک ہڑدیئی بنداو آ رپورٹ مننگ ءُ۔
