شہید ماسٹر عبدالخالق بی این ایم نا باسک ئس اس و پارٹی نا پنت و پروگرام نا رد ئٹ چاگڑدی و سیاسی کاریم تیٹ تُد اس۔ پرایمن و دو ہورک آ راج دوست سیاسی باسک ئے پاکستانی لشکر شہید کرے۔
ماسٹر عبدالخالق ولد دوست محمد چیری مالار آواران نا جہی ئس اس۔ پارٹی نا راہبند نا رد ئٹ منَہ تُو پارٹی نا دوزواہ نا وڑ رہینگ آن پد سال 2018 ئٹی اودے باقاعدہ پارٹی نا ممبرشپ تننگا۔
او بلوچ تحریک آجوئی کن اسہ راستی ءُ ہمدڑد و جہدکار ئسے نا وڑ آجوئی نا جہد تون تفوک سنگت آتا کمک کن ساندہ مُستی سلوک اس۔ اودے پاکستانی لشکر 13 اگست 2024 آ ہموتم ٹک کرسا شہید کرے ہراتم او مالار ئٹی تینا مُلک آتیٹ کاریم کننگ اس۔
بلوچ نیشنل موومنٹ شہید عبدالخالق نا اجوئی نا جہد ئٹ تفوک مننگ آ اودے دروت ندر کرسا بلوچ تحریک آجوئی نا شہید گوندیک۔
