بلوچستان لبریشن فرنٹ نا ترجمان تینا شنگ کروک بیان ئٹی پارے کہ سرمچار آک چار جتا انگا جلہو تیٹی دشمن لشکر و اونا پن ئنا چھانڑدہ اگست نا پروگرام آتے ٹک کریر۔
او پارے کہ اولی جلہو ئے سرمچار آک آواران نا ہند مالار ئٹی پاکستانی لشکر نا کیمپ ئے سیزدہ اگست سئے شمبے نا شام اِرا پاسو آن پوسکن و بھلا سلاہ تیٹ ٹک کریر، جلہو ئٹی دشمن نا مُسہ کارندہ مرگ ئنا گواچی و کیہیک ٹپی مسُر۔
او پارے کہ مورچہ آتیا راکٹ خلنگ تون اوار کیمپ ئنا تہٹی ہم راکٹ خلکُر ہراٹی لشکرئے گیشتر مالی نسخان ہرفوئی تما۔
اونا پاننگ اس کہ خُلیس نا گواچی مروکا دشمن پوسکن انگا گوریلہ جنگی تکنیک آتیان ہنداخس خُلیس نا گواچی ءِ کہ تینا بے سوبی تے ڈکھکنگ کن لس آبادی تیا مارٹر فائر کیک۔ جلہو آن پد دشمن تینا مون سُم کاری کرے ہرا نا زد ئٹی برسا ماسٹر عبدالخالق ولد دوست محمد شہید مس۔
ترجمان پارے کہ دشمن ریاست بندغی آن ہورک اسہ بد تہذیب دشمن اسے ہرا نہ بیرہ لس مخلوق آ سُم کاری کرسا الس ئے ٹک کرسا خلیک بلکہ اوفتا جون ئے ہم دوئی کرسا بے شرفی و خاہوت آتے تنگ ہم کیک۔
او پارے کہ دا جلہو ئٹی ریاستی لشکر نا سُم کاری آن شہید مروکا اُستاد عبدالخالق نا جون ئے لشکر تینا کوزہ ٹی کرے۔ شہید فرزند نا خاہوت و ہندی الس برانز کرے ہراکان گڈ لشکر اوفتے تشدد نا گواچی کرے و تڑی ہم تس۔
اونا ودیک پاننگ اس کہ ایلو جلہو ئٹی سرمچار آک سیزدہ اگست دے ئنا سئے بجہ آ خاران شار ئٹی گزی کسر آ اڈ مروکا کوزہ گیر پاکستانی لشکر نا چوکی آ گرنیڈ لانچر آتیٹ جلہو کریر۔ جلہو ئٹی دشمن لشکرئے جانی و مالی نسخان رسینگا۔
او پارے کہ مُسٹمیکو جلہو ئٹی سرمچار آک سیزدہ اگست دے ئنا یک بجہ و بیست منٹ آ پنجگور شار قلم چوک آ اڈ مروکا پاکستانی لشکر نا چوکی ئے دستی بمب ئٹ ٹک کریر۔ سرمچار آک ہمو وخت جلہو کریر ہراتم دشمن لشکر نا لاری سلوک اسک و لاری نا مونا اِرا کارندہ سلوک اسُر ارٹنگ آک بمب ئنا زد ئٹی برسا ٹپی مسُر۔
اونا پاننگ اس کہ چارُمیکو جلہو ئٹی سرمچار آک سیزدہ اگست دے ئنا ہشت بجہ و چل و پنچ منٹ آ بارکھان شار ئٹی گل پبلک گرامر ہائی اسکول نا اسٹیڈئیم ئٹی چھانڑدہ اگست نا رد ئٹ مروکا پروگرام آ دستی بمب ئٹ جلہو کریر۔ بلوچ راج تینا دشمن آن واخب ءِ و بلوچ راج تحریک آزادی تون اوار مرسا دشمن آن اونا کُل میار آتے بیر ئے ہلنگ کن تیار ءِ۔
ترجمان میجر گہرام پارے کہ بلوچستان لبریشن فرنٹ دا جلہو تا ذمہ واری تے ہرفک و کوزہ مروک بلوچستان نا آجوئی اسکان لشکر و اونا کُمکار آتا جلہوک برجاء مرور۔
